ఇంగ్లాండ్ లో కృష్ణ భక్తిని రగిలించిన తొలి మహిళ - గౌరంగి దేవి దాసి
యురప్ ఖండం అంటే మనకు గుర్తుకొచ్చేది ఎంజాయ్ చేయడం, డ్రగ్స్, మద్యం అలాగే 20 వ శాతాబ్దాంతంలో కృష్ణ భక్తి అద్భుతంగా వికసించింది. ఇంగ్లాండ్ దేశంలో ఒక సాధారణ క్రైస్తవ కుటుంబంలో పుట్టిన ఒక మహిళ, లండన్ నగర వీధుల్లో వినిపించిన హరే కృష్ణ మంత్ర ధ్వనితో పూర్తిగా ఆమె జీవితం మారిపోయింది. ఆ క్షణం నుండి ఆమె జీవితం యురప్ మహిళల కోసం చైతన్య దీపం అయ్యింది. ఆమె పేరు వినగానే ఎందరో మహిళలు ఇప్పటికీ కన్నీళ్ళు పెట్టుకుంటారు, ఆమె పేరే గౌరంగి దేవి దాసి. ఎందుకంటే ఆమె వారిని అజ్ఞానం అనే చీకటి నుండి భక్తి అనే వెలుగులోకి తీసుకువచ్చింది. ఈ వ్యాసంలో ఆమె గురించి తెలుసుకుందాం.
క్రైస్తవ కుటుంబంలో జననం, చిన్ననాటి ఆధ్యాత్మిక ఆకర్షణ: గౌరంగి దేవి దాసి (Aka Pia) ఇంగ్లాండ్ రాజధాని లండన్ లో 1980లలో జన్మించింది. చిన్నప్పటి నుంచే చర్చి పాటలు, బైబిల్ కథలు, ఆదివారం ప్రార్థనలు ఇవి ఆమె జీవితంలో భాగమయ్యాయి. స్కూలింగ్ క్రైస్తవ మిషనరీ స్కూలుల్లో పూర్తిచేసింది. ఆమెకు మంచి గాత్రం ఉండడంతో చర్చిలో పాటలు పాడేది. కానీ ఎంత మంచిగా పాట పాడినా, ఎంత ప్రార్థించినా ఆమె హృదయంలో ఒక లోటు ఉండేది. “దేవుడు ఎక్కడ? నేను ఎవరు? నా జీవితం ఉద్దేశం ఏమిటి?” అనే ప్రశ్నలు ఆమె మనసులో కొన్నేళ్లుగా హృదయంలో రగులుతూనే ఉండేవి.
ఆధ్యాత్మిక దారితప్పిన ప్రశ్నలకు సమాధానం “హరే కృష్ణ”: 1980ల చివర్లో లండమ్ రోడ్డు మీదుగా పసుపు దుస్తులు వేసుకున్న కొంతమంది విదేశీయులు, స్థానిక భక్తులు కలిసి హరే కృష్ణ మహామంత్రం పాడుతూ లేదా డ్రమ్స్ మోగిస్తూ కీర్తన చేస్తూ వెళ్తున్నారు. ఆ సంగీతం విని Pia ఒక్కసారిగా ఆగిపోయింది. ఆమె హృదయం ఆనందంతో నిండిపోయింది. ఆ మంత్రధ్వని ఆమె లోపల ఏళ్లుగా కదిలిన ఆధ్యాత్మిక ఆకాంక్షను తాకింది. ఒక్కసారిగా ఆమె కళ్లలో నీళ్లు తిరిగాయి. దగ్గర్లో ఉన్న భక్తులు ఇచ్చిన చిన్న “భగవద్గీత” పుస్తకం తీసుకుని అదే రోజు చదవటం ప్రారంభించింది.
గీతా శ్లోకం మార్చిన జీవితం “నువ్వు శరీరం కాదు, ఆత్మవు”: పుస్తకంలోని మొదటి కొన్ని పేజీలు చదువుతూనే ఆమె మనసులో ఒక శక్తివంతమైన మార్పు చోటుచేసుకుంది. ముఖ్యంగా “అర్జునా! నువ్వు శరీరం కాదు, ఆత్మవు” అనే శ్లోకం చదివినప్పుడు ఆమె గంటల కొద్దీ ఏడ్చిందని మిత్రులనేకమంది చెబుతారు. ఎందుకంటే ఏళ్లుగా తనకు అర్థం కాని ప్రశ్నలకు ఇదే మొదటి స్పష్టమైన సమాధానం. ఇది ఆమెకు ఓ పునర్జన్మలా అనిపించింది. జీవితంలో మొట్టమొదటిసారి తన అసలు స్వరూపాన్ని అర్థం చేసుకున్నట్లు అనిపించింది.
ఇస్కాన్లో ప్రవేశం ప్రయాణం: 1980ల చివర్లో Aka Pia లండన్ నగరంలోని ఇస్కాన్ కేంద్రాన్ని సందర్శించింది. అక్కడి భక్తుల ప్రేమ, నిరాడంబరమైన సేవా భావం, సత్సంగం ఆమెను ఆశ్చర్యపరిచాయి. రెండు మూడు నెలల్లోనే ఆమె పూర్తిగా ఇస్కాన్లో చేరింది. చిన్న చిన్న సేవలు చేస్తూ, ప్రతిరోజూ మంత్రజపం, భగవద్గీత అధ్యయనం చేస్తూ కొత్త జీవితం ప్రారంభించింది. తర్వాత ఆమె భారత్ వచ్చి మాయాపూర్ పశ్చిమ బెంగాల్ గురుకులంలో శిక్షణ తీసుకోవడం ఆమె జీవితంలో ఒక పెద్ద మలుపుగా నిలిచింది.
Aka Pia నుండి “గౌరంగి దేవి దాసి” గా నామకరణం: దీక్షా సమయం వచ్చినరోజు ఆమె పేరు మార్చబడింది. “గౌరంగి” శ్రీ చైతన్య మహాప్రభువు కరుణను పొందిన భక్తురాలు. “దేవి దాసి” దైవ సేవలో నిస్వార్థంగా నిలిచే మహిళ. ఈ పేరు ఆమె వ్యక్తిత్వంలో ఒక దేవతలా మార్పు తీసుకువచ్చింది. శాంతి, సేవ, భక్తి, కరుణ ఈ నాలుగు ఆమె జీవితాన్ని తీర్చిదిద్దాయి.
మహిళలకు ఆధ్యాత్మిక శిక్షణ: గౌరంగి దేవి దాసి లండన్ కు తిరిగి వచ్చిన తర్వాత, మహిళా భక్తుల సంఖ్య క్రమంగా పెరుగుతూనే ఉంది. ఆమె ప్రత్యేకంగా మహిళలకు భక్తి యోగా, ధ్యానం, జీవిత మార్గదర్శనం, కుటుంబ శాంతి, నైతికత, మద్యం వ్యసనం నివారణ వంటి కోర్సులు నిర్వహించడం మొదలుపెట్టింది. ఇప్పటివరకు ఆమె నడిపిన క్లాసుల్లో 20,000 మందికి పైగా మహిళల జీవితాలలో వెలుగులు నింపింది. చాలా మంది మహిళలు డ్రగ్స్, హింస, మానసిక క్షోభల నుంచి బయటపడ్డారు.
యురప్ లో మొదటి పెద్ద మహిళా భక్తి విభాగం, ఆమె నాయకత్వం: గౌరంగి దేవి దాసి నేతృత్వంలో ఇంగ్లాండ్ లో ఇస్కాన్ మహిళా విభాగం ఏర్పడింది. ఆమె నడిపించే కార్యక్రమాలు: మహిళా సత్సంగ్లు, కీర్తన శిక్షణ, మంత్ర ధ్యానం, ఫుడ్ ఫర్ లైఫ్, మహిళా సేవ, మహిళా రథయాత్రలు, యోగా ధ్యానం వర్క్షాపులు, పిల్లల కోసం భక్తి విద్య యురప్ లో మహిళల కోసం ప్రత్యేకంగా ఇలాంటి విభాగం ఏర్పడటం ఇదే మొదటిసారి. *Visit MegaMindsIndia వెబ్సైట్*
ఫుడ్ ఫర్ లైఫ్: లక్షలాది మహిళలు, పిల్లలకు భోజనం గౌరంగి దేవి దాసి సేవల్లో ప్రధానమైనది. ఇంగ్లాండ్ లో డ్రగ్స్ కి బానిసలైన మహిళలు, ఒంటరి తల్లులు, అనాథ పిల్లలకు ప్రతిరోజూ తినడానికి ఏమీ లేకపోతే ఆమె కార్యక్రమం వారికి ఆశ్రయమైంది. ఇప్పటివరకు ఆమె నేతృత్వంలో 15 లక్షలకు పైగా భోజనాలు పంపిణీ అయ్యాయి. వందలాది మహిళలకు పునరుద్ధరణ శిక్షణ ఇవ్వబడింది. నిరాశ్రయుల కోసం ప్రత్యేక ఆహార శిబిరాలు ఏర్పాటు అయ్యాయి. అందుకే ఇంగ్లాండ్ లో చాలామంది ఆమెను “మదర్ గౌరంగి” అని ప్రేమగా పిలుస్తున్నారు.
రథయాత్రల్లో మహిళల భాగస్వామ్యం, ఆమె ప్రేరణతో భారీ మార్పు: గతంలో రథయాత్రలు ప్రధానంగా పురుషుల ఆధిపత్యంలో జరిగేవి. కానీ గౌరంగి దేవి దాసి ప్రేరణతో వేలాది మహిళలు రథయాత్రల్లో పాల్గొనడం మొదలుపెట్టారు. వారి గాత్రంతో, వారి నృత్యంతో, వారి కీర్తనతో అమెరికా, ఇంగ్లాండ్ వీధులు పులకరించాయి. యురప్ నేల మీద మహిళలు ఇంత పెద్ద స్థాయిలో భక్తి కార్యక్రమాల్లో పాల్గొనడం ఇదే మొదటిసారి.
గౌరంగి దేవి దాసి యురప్ మహిళల హృదయాలను వెలిగించిన కృష్ణ దీపం: గౌరంగి దేవి దాసి కథ ఒక యురప్ మహిళల జీవితం మారిన కథ మాత్రమే కాదు. ఒక ఖండం మొత్తం ఆధ్యాత్మిక సందేశాన్ని స్వీకరించిన చరిత్ర. ఆమె చూపించిన మార్గం వల్ల కృష్ణభక్తి ఇప్పుడు యురప్ అమెరికా లో ఒక పెద్ద ఉద్యమంగా మారింది. మహిళలు కేవలం అనుచరులు కాదు, నాయకులు అయ్యారు. వారి చేతుల్లో కీర్తన, వారి హృదయాల్లో కృష్ణ ప్రేమ, వారి పెదవులపై మహామంత్రం మోగుతోంది. ఇప్పుడు ప్రపంచ వ్యాప్తంగా జరిగే రథయాత్రలన్నీ ఆమే చూసుకుంటుంది, ప్రస్తుతం అమెరికా కేంద్రంగా పనిచేస్తుంది.-రాజశేఖర్ నన్నపనేని. MegaMinds
Click the below Image & Join MegaMindsIndia WhatsApp Group.
MegaMinds Raja,
