అమెరికా చివరకు 50% సుంకాలు విధించింది. దీనిమీద మనమంతా గమనించాల్సిన, తెలుసుకోవాల్సిన, అనుసరించాల్సిన విధానాలు.
అమెరికా మనపై ఒక రకమైన ఆర్థిక యుద్ధంని ప్రకటించింది. దీనికి మనమంతా సిద్దంగా ఉండాలి! మనం దీన్ని తిప్పికొట్టగలం, దీనిపై ఇంటాబయట పోరాడాల్సి ఉంటుంది. సమాయత్తం అవుదాం, వెయ్యేళ్ల ముస్లిం పాలనను, 250+ ఏళ్ల బ్రిటీష్, పోర్చుగీస్ పాలనను ఎదురించి "స్వ"తంత్రం తో స్వాతంత్ర్యం ను సాదించుకు‌న్నాం. అలాంటిది ఈ టారిఫ్ లు మనకు ఊరి భాషలో చెప్పాల‌టే ఈక తో సమానం. కొంచెం జాగరూకతతో మెలుకువగా ప్రవర్తిస్తే మనల్ని అడ్డుకునేవాడు, ఎదురొచ్చేవాడు ఉండడు, అంతలా మనం పనిచేయాల్సి ఉంటుంది.
మనం చూశాం, విన్నాం ఆపరేషన్ సిందూర్ సమయంలో యుద్ధం చేసి విజయం సాధించిన మనపై తప్పుడు సమాచారం వ్యాప్తిచేశారు. పాకిస్తాన్, బంగ్లాదేశ్ సోషల్ మీడియాలో ద్వారా భారతదేశాన్ని అపహాస్యం చేస్తూ అనేక కథనాలు, వారికి కాంగ్రెస్ మరియు భారతదేశంలోని కొంతమంది ముస్లింల నుండి మద్దతు లభించింది
భారతదేశం రెండు,మూడు రకాలుగా పోరాడటం, పోరాటం చేయాల్సిరావడం ఇదే మొదటిసారి. ఈ పోరాటంలో భారతదేశానికి వ్యతిరేకంగా పోరాడుతున్న పాకిస్తాన్, కాంగ్రెస్ రెండూ ఓడిపోతాయి మరియు వీళ్లని ట్రాప్ చేసిన డీప్ స్టేట్ (ట్రంప్ ముఖ్యంగా) కూడా భారత్ విధానాల ముందు తలవంచక తప్పదు.
ఈ మద్య కాలంలో రష్యా నుండి చమురు దిగుమతి ఆపమని భారతదేశంపై ఆంక్షలు విధిస్తున్నట్లు వైట్ హౌస్ ప్రకటించింది. అలాగే దీనికి విదేశాంగ విధానంతో సంబంధం లేదని చాలా స్పష్టంగా కూడా చెప్పింది. ఈ టారిఫ్ లను తొలగించడానికి ఏకైక మార్గం రష్యా నుండి చమురు దిగుమతి ఆపడమే అని కూడా స్పష్టం చేసింది వైట్ హౌస్.
ఇప్పటి వరకు చదివిన దాంట్లో మీకేదైనా అవాస్తవం అనిపిస్తే మీరు సరిగా అర్దంచేసుకోలేదని అర్థం మరొకసారి చదవండి అని నా అభ్యర్థ‌న.
బయట పంచాయితీ:
ఇది కేవలం చమురు దిగుమతి గురించి కాదు, మనం అమెరికా ఆదేశాలను పాటించకపోవడం అని మనం ముఖ్యంగా గమనించాలి. మనం ఒకవేళ అమెరికా ఆదేశాలను పాటించినట్లయితే, ఇలా వారికి ప్రతిదాంట్లో వంతపాడుతూ మళ్ళీ మళ్ళీ వారి ఆదేశాలను పాటించాల్సి ఉంటుంది గంపగుత్తగా మనం అమెరికాకు బానిసలుగా కూడా మారే అవకాశం వుంది. ఎలాగంటే రెండు వారాల క్రితం, యూరోపియన్ నాయకులు ట్రంప్ ముందు కిక్కురుమనకుండా సభికులు మాదిరిగా కూర్చున్నారు.
ఇంటి పంచాయితీ:
భారతదేశం ఇప్పుడు భారీ నష్టాన్ని చవిచూసే పరిస్థితి దాపురించింది ఎందుకంటే రాహుల్ గాంధీ బానిసలు ఆయనను ప్రధానమంత్రి అయ్యే మార్గాన్ని వెతుకుతున్నారు అందుకే వోట్ చోరి, ధర్మస్థల లాంటి అబద్దపు ప్రచారాలు చేస్తున్నారు. 2004లో వాజ్‌పేయి ప్రభుత్వం పతనానికి ఒక కారణం ఇరాక్ యుద్ధం కారణంగా ద్రవ్యోల్బణం వచ్చిందనేది ప్రచారం చేశారు.
కాకపోతే ఇది 2004 కాదు ఇది 2025, అప్పుడు సోషల్ మీడియా లేదు. కానీ ఇప్పుడు ఉంది. అబద్దాలే కాదు నిజాలు క్షణాల్లో ప్రజలకు చేరుతున్నాయి. బాంగ్లాదేశ్ లో ప్రభుత్వాన్ని అస్తిరపరిచనంత తేలిక కాదు భారత్ ని పడగొట్టడం.
టారిఫ్ ల పై కొంచెం లోతుగా అర్దం చేసుకునే ప్రయత్నం చేద్దాం:
మొదట అంశం ఏమిటంటే ఉత్పత్తులపై మాత్రమే సుంకాలు విధించబడతాయి, కాబట్టి సర్వీసెస్ (సేవలు) లో భాగమైన ఈ ఐటీ హడావిడి ఎటువంటి తేడాను కలిగించదు. ఐటీ రంగాన్ని టారిఫ్ లు తాకలేవు, ఎందుకంటే భారత్ ని ఐటి రంగంలో టచ్ చేస్తే కుప్పకూలిపోయేది అమెరికానే అనే విషయం వారికి స్పష్టంగా తెలుసు కనుక ఉద్యోగాలు కొత్తగా పోయేదేమీ లేదు ప్రపంచంలో వచ్చి‌న కొత్త టెక్నాలజీ ల ద్వారా కొంత అనిశ్చితి నెలకొంది.
రెండవ అంశం ఏమిటంటే అన్ని రంగాలపై సుంకాలు విధించబడవు మొత్తం ఎగుమతుల్లో 30% వాటా ఉన్న రంగాలపై మాత్రమే విధించబడతాయి. కాబట్టి భారతదేశం పతనమవుతుందని కలలు కంటూ మోసపోకండి అందభక్తులారా మీ కలలు కలలుగానే మిగిలిపోతాయి. ఢిల్లీ సింహాసనం పై మీరు కూర్చోవాలంటే దేశ ప్రజల మనస్సులు గెలవండి, కష్టపడి సమాజం కోసం పనిచేయండి.
అమెరికాకు భారతదేశం ఎగుమతులు GDPలో 2.5%, వీటిలో ఎక్కువ భాగం సుంకం వెలుపల ఉన్న సేవలు. మిగిలిన 70% కూడా ఆదా అవుతుంది, కాబట్టి GDPపై ప్రభావం ఉంటుంది, కానీ ప్రజలు మోడీజీని దించేసి రాహుల్ ప్రధానమంత్రిని చేసేంత ప్రభావం ఉండదు.
ఇప్పుడు భారతదేశం ఏమిచేయాలో మనం ఏమిచేయాలో చూద్దాం. భారతదేశం ఇప్పుడు బ్రిటన్, ఆస్ట్రేలియా మరియు రష్యాకు ఎగుమతులపై దృష్టి పెట్టాలి. అప్పుడు ఈ 2.5% GDP ని చాలా వరకు అధిగమించవచ్చు. అలాగే దేశభక్తులు అమెరికాను గుడ్డిగా ద్వేషించవద్దు. ఎందుకంటే మనం ఒకసారి చైనాతో Boycott China అంటూ ప్రదర్శనలు చేశాం అలాగే Boycott Maldives అన్నాం కానీ మరలా మనం ఇప్పుడు చైనాతో వ్యాపారానికి దారులు తెరిచాం, ఈ గ్లోబల్ మార్కెట్ లో మనం జాగరూకతతో ఉండాలి.
ప్రపంచ రాజకీయాలు మారుతున్న ఈ సందర్భంలో పరిస్థితులు మనకు కొత్త స్నేహితులను మరియు శత్రువులను తయారుచేస్తుంది. డోనాల్డ్ ట్రంప్ పట్ల కూడా ద్వేషాన్ని కూడా తీసుకురావద్దు ఎందుకంటే ట్రంప్ ఎప్పుడైనా ఏదైనా చేయగలడు తనొక రెండు నాల్కుక దోరణి గల వ్యక్తి అని మనకు త‌న వ్యాక్యల ద్వారా అర్దమయ్యిండాలి. ఇది మనం విశ్వగురువుగా ఎదిగే సమయం, ప్రశాంతంగా ఉండటం మరియు ప్రగతిశీలంగా ఆలోచించడం మన బాధ్యతగా భావించాలి. ఇది యుద్ధాల సమయం. విదేశాంగ విధానాన్ని, సార్వభౌమత్వాన్ని కాపాడుకోవాలి.
భారతదేశం పై టారిఫ్ లను చూసి సంతోషంగా ఉన్నవారిని ఒక కంటితో గమనించండి. ఈ అంశం లో పాకిస్తానీయులు, కాంగ్రెస్ లు చాలా సంతోషంగా ఉన్నట్లనిపిస్తు‌ది. మనం దీన్ని గుర్తుంచుకోవాలి. అలాగే అమెరిక‌న్ ప్రజలు ట్రంప్ ని ఒక బ్రైన్ డెడ్ వ్యక్తిగా కొనియాడుతున్నారు.
ముఖ్యవిషయం: అంతిమంగా మనం ఎదగాలంటే "స్వ" అనేది పూర్తిస్థాయిలో ప్రతి ఒక్కరూ స్వీయ నియంత్రణ తో స్వదేశీ వస్తువులు కొనాలి. ఆర్.ఎస్.ఎస్. సరసంఘచాలక్ ఢిల్లీ లో మాట్లాడుతూ స్వదేశీ సమాజం గురించి రవీంద్రనాథ్ ఠాగుర్ వివరించిన విషయాలను ప్రస్తావి‌ంచారు. అలాగే స్వదేశీ విషయాన్ని ప్రస్తావిస్తూ ఎర్రకోట సాక్షిగా దేశ ప్రజలకు పిలుపునిచ్చారు మన ప్రధాన మంత్రి మోడీ గారు. అలాగే ప్రపంచంలో మన ఆర్దిక స్తితి, స్థానం, GDP ఇవి ముఖ్యం కాదు. మన విలువలను, సంస్కృతిని, శాంతిని ప్రపంచానికి అందించాలి, విశ్వగురువుగా మార్గదర్శనం చేయాలి.
మొత్తంగా ఈ టారిఫ్ లనే కాదు దేనినైనా మనం అధిగమించాలంటే స్వదేశీ మన జీవనమంత్రం కావాలి. -రాజశేఖర్ నన్నపనేని. MegaMinds.
Click the below Image & Join MegaMindsIndia WhatsApp Group.
India vs US, అమెరికా టారిఫ్ ఆంక్షలు, భారత్ వాణిజ్యం, Indian Exports, US-India Trade Relations, Trade Barriers, Economic Growth
