బ్రాహ్మణుడితో ప్రేమలో పడిన ఖిల్జీ వంశపు యువరాణి

15వ శతాబ్దంలో మధ్యప్రదేశ్‌లోని ప్రస్తుత ధార్ జిల్లాను మండు రాజ్యం అని పిలిచేవారు. దాని అప్పటి సుల్తాన్ నసీరుద్దీన్ ఖిల్జీ. మనవర్...

15వ శతాబ్దంలో మధ్యప్రదేశ్‌లోని ప్రస్తుత ధార్ జిల్లాను మండు రాజ్యం అని పిలిచేవారు. దాని అప్పటి సుల్తాన్ నసీరుద్దీన్ ఖిల్జీ. మనవర్‌ తహసిల్ లో టోజీ అంటే పన్ను వసూలు బాధ్యతను సుల్తాన్ గోవింద్ రాం మాండ్లోయ్ కి అప్పగించాడు. మనవర్ లో మాండ్లోయ్ పెద్ద బ్రాహ్మణ కుటుంబం.

ఒకరోజు గోవింద్ రాం మాండ్లోయ్ తన ఎద్దుల బండిపై పన్ను మొత్తాన్ని తీసుకుని రాజ భవనానికి వెళ్తున్నాడు. దారిలో ఒక్కసారిగా రెండు సింహాలు అతనిపై దాడి చేశాయి. ధైర్యవంతుడైన  గోవింద్ రాం మాండ్లోయ్ రెండు సింహాలను తరిమివేసి, పన్ను తో రాజ భవనానికి చేరుకున్నాడు. అతని ధైర్యసాహసాల కథ నసీరుద్దీన్, రాజవంశీకుల చెవులకు కూడా చేరింది. గోవింద్ రాం మాండ్లోయ్ ధైర్యసాహసాల గురించి తెలుసుకున్న సుల్తాన్ చాలా సంతోషించాడు. గోవింద్  రాం మాండ్లోయ్ ధైర్య, విధేయతకు రాజ్ దర్బార్‌లో అందరిచేత గౌరవించబడ్డాడు.

ఈ విషయం తెలుసుకున్న యువరాణి జైతున్నీషా తొలిసారిగా గోవింద్ రాం మాండ్లోయ్ చూసింది. అతన్ని చూడగానే మైమరచిపోయింది, అంత గొప్ప అందగాడు అలాగే శరీరాకృతి గలవాడు. ఆమె తన పనిమనిషి ద్వారా గోవింద్ రాం మాండ్లోయ్ కి  ప్రేమలేఖను పంపింది.

ఈ ప్రేమలేఖ గురించి తెలుసుకున్న నసీరుద్దీన్, పునరాలోచించమని తన కుమార్తెను ఒప్పించడానికి చాలా ప్రయత్నించాడు. కానీ, గోవింద్ రాం తో పిచ్చి ప్రేమలో ఉన్న జైతున్నీషా ఎంత చెప్పినా వినేందుకు నిరాకరించింది. చివరికి సుల్తాన్ కూతురి ప్రేమకు లొంగిపోయి గోవింద్ రాం ని పిలిచాడు. గోవింద్ రాం కూడా తన నిస్సహాయతను లెక్కపెట్టి ‘ఇక్కడిలా సౌకర్యాలు కల్పించలేను’ అన్నాడు. కానీ, జైతున్నీషా పెళ్లి జరగకుంటే గోవింద్ రాం కత్తిని పెళ్లి చేసుకోవాలని నిర్ణయించుకుంది.

ప్రేమ గెలిచి ఇద్దరూ గాంధర్వ సంప్రదాయం ప్రకారం పెళ్లి చేసుకున్నారు. వివాహానంతరం జైతున్నీషాకు బెసర్‌బాయి అని పేరు పెట్టారు. అయితే పెళ్లికి ముందు జైతున్నీషా రాజభవనంలోనే ఉండాలని సుల్తాన్ షరతు పెట్టాడు. యువరాణి కూడా ఈ షరతుకు అంగీకరించి రాజభవనంలోనే ఉండిపోయింది.

కొన్ని రోజుల తర్వాత గోవింద్ రాం మనవర్‌కు తిరిగి వచ్చాడు. అయితే అక్కడ పాము కాటుకు గురై చనిపోయాడు. ఇంతలో, భర్త మరణ వార్త బేసర్‌బాయికి కూడా చేరింది. ఆమె వెంటనే గుర్రం మీద మనవరానికి బయలుదేరి వచ్చింది. ఆమె ఇతర హిందూ వధువులా 16 అలంకారాలు పాటించింది. అప్పుడు ఆమె సతీ సహగమనం  కావాలని నిర్ణయించుకుంది. ఈ విషయం తెలుసుకున్న మనవర్‌ ప్రజలు అడ్డుకునేందుకు వచ్చారు. అప్పుడు బేసర్‌ బాయి గాంధర్వ సంప్రదాయం, ఆచారాల ప్రకారం వారి వివాహం గురించి చెప్పింది. ఆమె కుటుంబ సభ్యుల నుండి గోవింద్ రాం తలపాగాతో  మాన్ నది ఒడ్డుకు చేరుకుంది. తమోలి కులానికి చెందిన ఒక మహిళ మాన్ నది ఒడ్డున నివసించేది. ఆమె బెసర్ బాయి సహగమనానికి చితిని ఏర్పాటుచేసింది. ఆమె చితిని వెలిగించటానికి నిరాకరించింది.

కాని బెసర్ బాయి తనకు తానే చితికి నిప్పంటించుకుని సతీసహగమనం అయ్యింది.

మాండ్లోయ్ బ్రాహ్మణులు ధార్, ఇండోర్ మరియు ఖాండ్వా చుట్టూ నివసిస్తున్నారు. మనవార్‌లోని శ్రీ ఖేడపాటి హనుమాన్ ఆలయంలో బేసర్‌బాయి సతీ స్తంభం ప్రతిష్టించబడింది. మాండ్లోయ్ సొసైటీలోని ఇళ్లలో ఏదైనా శుభకార్యం జరిగితే, బేసర్బాయికి భోగ్ ఖచ్చితంగా సమర్పిస్తారు.

చరిత్రకు సంబంధించిన ముఖ్యమైన సంఘటనలు, నిర్ణయాలు, విజయాలు మొదలైనవి రాయల్ ప్రింటింగ్ ప్రెస్ నుండి గెజిట్ రూపంలో ప్రచురించబడ్డాయి. అక్కడ ముస్లింల పాలన ఉంది కాబట్టిబేసర్‌బాయి చరిత్రను ఎవరూ రాయడానికి సాహసించలేదు. తరువాత మనవార్ గ్వాలియర్ సింధియా రాజకుటుంబం పరిధిలోకి వచ్చింది. అప్పుడు సింధియా రాజకుటుంబం కూడా తమ గెజిట్‌లో బెసర్‌బాయి కథను చేర్చింది. ఐదు శతాబ్దాలకు పైగా గడిచిపోయాయి, కానీ మాండ్లోయ్ సమాజంలోని ప్రజలు బేసర్‌బాయి యొక్క త్యాగాన్ని గుర్తుంచుకున్నారు.

ఇలాంటి వ్యాసాల కోసం ఈ క్రింద ఉన్న వాట్సాప్ గ్రూప్ లో జాయిన అవ్వగలరు. మీ MegaMindsIndia.