Page Nav

HIDE
GRID_STYLE

Latest Posts

latest

పన్నెండేళ్ల ప్రసవ వేదనః -ఇంటర్ నెట్ తో పిడికిట్లో ప్రపంచం - raka sudhakar

ఇప్పుడు వారాన్ని ఎలాగోలా నెట్టుకురానవసరం లేదు. నెట్టుందిగా.... అదే ఇంటర్ నెట్టుందిగా! ఇంటర్ నెట్ తో పిడికిట్లో ప్రపంచం. వేలి కొసలపై విశ్వ...

ఇప్పుడు వారాన్ని ఎలాగోలా నెట్టుకురానవసరం లేదు. నెట్టుందిగా.... అదే ఇంటర్ నెట్టుందిగా! ఇంటర్ నెట్ తో పిడికిట్లో ప్రపంచం. వేలి కొసలపై విశ్వబ్రహ్మాండం!! రెప్ప వేసి తెరిచే లోగా గిగా బైట్లలో సమాచారం అప్ లోడవుతోంది. పిన్ నుంచి ప్లేన్ దాకా ఊహకందని అన్ని విషయాలపైనా బోలెడంత సమాచారం మౌస్ క్లిక్ చేసినా, స్క్రీన్ ను ట్యాప్ చేసినా దొరుకుతుంది. అయితే వీటిలో కొన్ని టాప్ ఆఫ్ ది చార్ట్ విషయాలుంటాయి. ప్రపంచవ్యాప్తంగా మిలియన్ల జనం దాన్ని చదువుతారు, లైక్ చేస్తారు. షేర్ చేస్తారు. ట్వీట్ చేస్తారు. రీ ట్వీట్ చేస్తారు. ఇందులో శృంగారం తీపి, వెటకారం వగరు, చిలిపితనపు పులుపు అహంకారం కారం ... ఇలా అన్ని టేస్టులూ ఉంటాయి. ఏ ట్వీట్ ఎందుకు అందర్నీ బీట్ చేసింది? ఏ షేర్ ఫేస్ బుక్ షేర్ మార్కెట్ ను దడదడలాడించింది? ఏ వార్తపై కామెంట్ల కనకవర్షం కురిసింది? ఏ ఫోటో పై ఎన్ని లైకులు వచ్చాయి? ఆన్ లైన్ లో ట్రెండై, అలా గత ఏడు రోజుల్లో వైరల్ అయిపోయిన టాప్ ట్రెండింగ్ పోస్టులేమిటి? వేలి కొసలకు "వైరల్" ఫీవర్ తెప్పించిన బెస్టు బెస్టు పోస్టులేమిటి?


పన్నెండేళ్ల ప్రసవ వేదనః
అయ్యవారి పేరు లెన్నార్ట్ నిల్సన్. ఆయన ఓ పుష్కరకాలం పాటు, అంటే పన్నెండేళ్లుగా, చేస్తున్నది ఒకే ఒక్క పని. ఒక వీర్యకణం, అండానికి ఎలా కన్ను గీటుతుంది. ఆ రెండూ ఎలా లవ్వాడుకుంటాయి. ఆ లవ్వుకి ఫలితంగా అండం నుంచి పిండం ఎలా పుడుతుంది. ఆ పిండం బ్రహాండంగా ఎదిగి ఓ బుడ్డోడు ఎలా తయారవుతాడు - ఇదే ఆ ఫోటోగ్రాఫర్ గారి పరిశోధనాంశం. ఆయన ఓ తల్లి గర్భాన్నే తన ఫోటో స్టుడియోగా మార్చేసుకున్నాడు. ఎలక్ట్రానిక్ మైక్రోస్కోపుని ఎండో స్కోపీ ద్వారా ప్రవేశపెట్టి పన్నెండేళ్లుగా ఫోటోలు తీస్తూనే ఉన్నాడు. ఆ ఫోటోలను నెట్ లో ఎగ్జిబిషన్ పెడితే ఇక చూడండి షేర్లే షేర్లు. లైకులే లైకులు. ఈ మధ్యే ఇండియా టీవీ వెబ్ సైట్లో పెడితే అక్షరాలా 25270 కామెంట్లు. 261987 షేర్లు వచ్చేశాయి. అసలు లెన్నార్ట్ నిల్సన్ గారి వెబ్ సైట్ www.lennartnilsson.com/child_is_born.html ని ఒక సారి విజిట్ చేస్తే గుప్తగ్యాన్ అంతా గుప్పిట్లోకి వచ్చేస్తుంది. సృష్టిమూలం సూక్ష్మచిత్రం మీ కళ్ల ముందుంటుంది. లెన్నార్ట్ ఫోటోగ్రఫీకి తలతిరిగిపోక తప్పదు. తన గర్భాన్ని ఆర్ట్ స్టుడియోగా మార్చిన ఆ అజ్ఞాత అమ్మ ముందు తల వంచక తప్పదు.

ఇలాంటి వ్యాసాల కోసం ఈ క్రింద ఉన్న వాట్సాప్ గ్రూప్ లో జాయిన అవ్వగలరు. మీ MegaMindsIndia.

No comments

Dear Readers, Give your valuable comments and Suggestions on this comment box..