సుఖోయ్ Su-57 కోసం మూడు కొత్త హైపర్‌సోనిక్ మిసైల్స్!
రష్యా మూడు అత్యాధునిక హైపర్‌సోనిక్ మిసైల్స్‌ను పరీక్షిస్తోందని తెలుస్తోంది. ఈ మూడు మిసైల్స్ Su-57 ఫైటర్ జెట్ కింది భాగంలో లోపలవైపు ఉంటాయి. అంటే, పైలట్ బయటి వైపు మిసైల్స్ మొత్తాన్ని లాంచ్ చేసాక, లోపల ఉన్న మిసైల్స్ ను అదనంగా ప్రయోగించడానికి అవకాశం ఉంటుంది, ఆ లాంచ్ ప్రక్రియలో ఒక మూత ఓపెన్ అయి క్లోజ్ అవుతుంది అన్నమాట. తద్వారా దాని స్టెల్త్ సామర్థ్యం అలాగే ఉంటుంది.
రష్యా అమ్ములపొదిలోని కొన్ని హైపర్ సానిక్ లేదా సూపర్ సానిక్ మిసైల్స్:
🔹 గ్రెమ్లిన్ : Su-57 అంతర్గత వ్యవస్థకు సరిపోయే కాంపాక్ట్ హైపర్‌సోనిక్ క్రూయిజ్ మిసైల్. మాక్ 5+ వేగం, సుమారు ~1,200 కి.మీ. రేంజ్‌తో, భూమి మరియు సముద్రంలోని అత్యంత విలువైన లక్ష్యాలపై ఖచ్చితమైన దాడుల కోసం రూపొందించబడింది. స్టెల్త్ సామర్థ్యాన్ని కాపాడుతుంది!
🔹 లాచిన్కా : ఒస్ట్రోటాతో పాటు తరచుగా ప్రస్తావించబడుతున్న మరొక అద్భుతమైన మిసైల్. ఇది చిన్న హైపర్‌సోనిక్ ఆయుధం, బహుశా గగన దాడుల కోసం రూపొందించబడింది. 400–600 కి.మీ. రేంజ్, మాక్ 4–5 వేగంతో, AWACS, ట్యాంకర్లు మరియు ఇతర ముఖ్యమైన సహాయక విమానాలను లక్ష్యంగా చేసుకోవడంలో దీనియొక్క ఉపయోగం ఎక్కువగా ఉంటుంది.
🔹 ఒస్ట్రోటా : Su-57 కోసం మరో హైపర్‌సోనిక్ ప్రాజెక్ట్, ఇది దాడి మరియు గగనతలంలో అడ్డగించే సామర్థ్యాన్ని కలిగి ఉన్న బహుముఖ వ్యూహాత్మక మిసైల్. గతంలో Su-57 సబ్‌సోనిక్ Kh-59MK2 వంటి స్టెల్త్-ఆప్టిమైజ్డ్ స్టాండ్‌ఆఫ్ ఆయుధాలతో కలిసి పనిచేయగలదు. Su-57 కోసం ఆయుధ సూట్‌లు స్టెల్త్-సంరక్షణ మరియు సామర్థ్యంతో తయారుచేస్తున్నారు!
అసలు ఈ డేటా అంతా మనకు ఎందుకు ముఖ్యం?
రష్యా యుద్ధవిమానంతో మనకేమి ఉపయోగం అంటారా? అక్కడికే వస్తున్నా, భారత్, రష్యా మధ్య su - 57e డీల్ దాదాపు ఖరారు అయింది. డీల్ ఇరు ప్రభుత్వాల మధ్య నేరుగా ఉండబోతుంది. సాంకేతిక పరిజ్ఞానం షేర్ చేసుకోవటం, భారత తయారీ మరియు ఇంకా చాలా అంశాలు ఉంటాయి. అవి డీల్ పూర్తయ్యాక పూర్తి డేటాతో మళ్లీ రాస్తాను. రక్షణ శాఖ అప్రూవ్ చేయటమే మిగిలింది. అయితే, భారత రక్షణ రంగ నిపుణులు అయిదవ తరం ఫైటర్ జెట్ ను పూర్తిస్థాయి స్టెల్త్ మరియు హైపర్ సానిక్ మిసైల్స్ తో పనిచేసేవిధంగా భారత్ కు అనుగుణంగా డిజైన్ లో కూడా చిన్న మార్పులతో తయారుచేస్తారు అని తెలుస్తుంది.
అంటే, రాఫెల్ ఫైటర్ జెట్స్ లో మనం బ్రహ్మోస్ ప్రయిగించలేము. కారణం, ఫ్రాన్స్ కు రష్యా దేశం సోర్స్ కోడ్ షేర్ చేయదు. సోర్స్ కోడ్ లేకుండా, బ్రహ్మోస్ ఇంటిగ్రేషన్ సాధ్యం కాదు. అపుడు మన బ్రహ్మోస్ లేదా అగ్ని హైపర్ సానిక్ మిస్సైల్స్ ను భవిష్యత్తులో su- 57e లో ఎంబెడ్ చేసి వాడుకోవచ్చు. తద్వారా, గగనతల రక్షణ మరింత బలోపేతం అవుతుంది. మనకు బ్రహ్మోస్ ఎంత ముఖ్యమైన మిస్సైల్ అన్నది మీకు తెలుసు కాబట్టి, ఒకసారి మళ్లీ పై సమాచారం చదవండి. గూస్ బంప్స్ వస్తాయి.
రష్యా ఇప్పటివరకు, su- 57 e ఫైటర్ జెట్స్ కేవలం 25 మాత్రమే తయారీచేసింది. ఉక్రెయిన్ యుద్ధంలో కూడా అంతగా ఉపయోగించలేదు. అల్జీరియా, UAE మరియు భారత్ కు రష్యా ఈ యుద్ధ విమానాలు అమ్మబోతోంది. మన దేశంలో తయారుచేసి పైన పేర్కొన్న దేశాలకు ఎగుమతి చేస్తాం. రష్యాపై యుద్ధం వలన ఇప్పుడున్న శాంక్షన్స్ కు ఎక్కడికి ఎగుమతి చేయాలన్నా సాధ్యకాదు. తయారీకి అవసరమైన కొన్ని వస్తువులు దిగుమతి చేసుకోవడం చాలా కష్టం. అందుకే, రష్యాకు అత్యంత నమ్మకమైన మిత్రుడు భారత్ ను రష్యా ఎంచుకుంది. మన అవసరాలతోపాటు రష్యా అవసరాలు కూడా భారత్ తీర్చనుంది.
ఆరవతరం ఫైటర్ జెట్ గురించిన సమాచారంలో చాలావరకు స్పెక్యులేటివ్ డేటా ఉంది. ఖచ్చితంగా, ఇలానే ఉంటుంది అని చెప్పటానికి లేదు. అయితే, ఈ ప్రాజెక్టులో లేసర్ గైడెడ్ టెక్నాలజీ, అధునాతన డ్రోన్స్ టెక్నాలజీ, AI మరియు మానవరహిత యుద్ధ విమానం (UAV) ఇలా చాలా ఆప్షన్స్ ఉండబోతున్నాయి.
రష్యా రెండు ప్రధాన ప్రాజెక్ట్‌లు, ఆరవ తరం ఫైటర్ జెట్స్:
1. MiG-41 (PAK DP): ఇది Mikoyan (MiG) డిజైన్ బ్యూరో ద్వారా డెవలప్ చేయబడుతున్న హై-స్పీడ్ ఇంటర్‌సెప్టర్, ఆరవ తరం ఫీచర్స్‌ తో ఉంటుంది. దీనిని MiG-31 ఫాక్స్‌హౌండ్‌ను రీప్లేస్ చేయడానికి రూపొందిస్తున్నారు. అధికారికంగా “MiG-41” అని పిలవబడుతుంది, కానీ ఇది ఇంకా ప్రోటోటైప్ దశలో ఉంది. 2025లో ఫస్ట్ ఫ్లైట్ ప్లాన్‌లో ఉంది. కానీ, ఇప్పటివరకు ఎలాంటి అప్డేట్ లేదు.
2. Sukhoi Sixth-Gen Fighter: Sukhoi డిజైన్ బ్యూరో ఒక ఆరవ తరం ఫైటర్‌ను డెవలప్ చేస్తోంది, ఇది Su-57 ఆధారంగా ఉంటుంది. దీనికి ఇంకా నిర్దిష్ట పేరు ప్రకటించలేదు, కానీ ఇది Su-57 యొక్క డీప్ మోడిఫికేషన్‌గా లేదా కొత్త మల్టీ-రోల్/క్యారియర్-బేస్డ్ ఫైటర్‌గా ఉండవచ్చు. దీనికి తాత్కాలికంగా “Sukhoi Next-Generation Fighter” లేదా “6th-Gen Sukhoi” అని పిలుస్తున్నారు. డెవలప్‌మెంట్ 2030-2050 టైమ్‌లైన్‌లో ఉంది.
Click the below Image & Join MegaMindsIndia WhatsApp Group.
Su57, HypersonicMissiles, RussianTech, Aerospace, vadlamudiwrittings, makeinindia, sixthgenfighterjets
